第84章 ☆、胞与为怀

    汤申佳开初没留意倪飞飞的新闻，直到卢刚几次爽约，加之同事的风言风语传到耳朵里，伊才有所警觉。

    一趟是姆妈大病初愈，想请卢刚来家里喫饭，卢刚要去报馆对接联合广告的事体；一趟是大哥搬场，卢刚帮伊借了大卡车、付了车钿，但是抽不出辰光——要去看真马宝的包装设计图，工厂等着印刷。

    两人已经一个多月没碰头了，工作侪忙来兮。正好汤申佳在节目里回复了这样一封来信：

    “H先生，侬工作蛮忙额，侬额收入肯定蛮高额，不过，侬想过伐？做生活，为了啥？离开杨思，到此地来讨生活，一个礼拜工作60到70个钟头，就为了打一份工，侬错过了你女儿的生日、舞蹈表演，觉得心里有所亏欠。

    我前一阵看到一篇文章，讲做事体先后顺序是啥，啥物什顶重要。侬算算看：假设一个人能活75年，一年有52个礼拜，75乘以52等于3900，一个人一生中也只能有3900个礼拜天。伊用脱55年的辰光才弄明白这桩事体。到55岁额辰光，伊已经过了2800多个星期天。这歇伊才意识到，即使真的能活到75岁，也只剩下大约1000个星期天了。伊跑到一家玩具店，所有弹子买下来，又跑了另外两家玩具店，凑够1000粒弹子。伊把这些弹子摆进一只玻璃瓶里。从搿天开始，每逢星期天，伊就掼脱一粒。

    看着弹子一天一天减少，伊开始比之前更加在乎生命中重要额事体、重要额人。只有当侬亲眼看见自己在这世界上的日脚剩不了多少的辰光，才能真正分清事体额轻重缓急。谁能陪侬到最后？工作还是家人？今天早上，伊掼脱最后一粒弹子。伊心想，如果能活到下个礼拜天，老天就多拨伊一个礼拜额辰光。搿辰光用来做啥？希望大家能够多留一眼辰光，陪陪屋里厢额人。今朝额《汤小姐信箱》就到此地，最后送上一首《秋水伊人》，再会！”

    “望穿秋水，不见伊人的倩影。更残漏尽，孤雁两三声……”歌声响起，小汤陷入沉思：劝别人头头是道，轮到自家呢？报纸上照片算啥事体？直接问卢刚还是倪飞飞？哪能开口？

    出了直播间，小汤看见沈一明和老秦还没下班，正在讨论美国额事体。如果小汤的节目算副刊，伊拉聊额就是“头版头条”。

    “这两天纽约在搞一个‘开放节’活动，听到过伐？”老秦问。

    “啥叫开放节？”沈一明走到老秦旁边。

    老秦指着报纸，讲：“去年旧金山啊好几个地方唐人街的‘一碗饭’运动不是旅美华侨发起的吗？就是卖餐券，帮中国抗战筹款。认购的人，拿了餐券，到指定餐厅，喫一碗炒饭。最后各餐厅除脱成本，钞票捐出来，买医疗设备和药品，运到中国来。几个城市一起发动，好像一天就筹到一百万美金！”

    沈一明喝了一口保温杯里的茶：“记得，伊拉口号是，多买一碗饭，多救一个人。还有一张照片，是舞台上义演，一个男的，挑着扁担，扁担里一个小囡，讲中国人哪能躲过日军屠杀，逃离战火。”

    老秦讲：“这两天在纽约唐人街，罗斯福总统的儿子，中国平民救济联合会主席，也搞一个‘开放节’，交关照片、图表、物品，展示中国人衣食住行方方面面，募集每年经费。伊讲就算没办法救济中国所有难民六千万人，但伊还能以开放节及一碗饭运动收入所得，救多少算多少，尽量减少难民额痛苦。”

    “胞与为怀，积德行善咯？”沈一明望着窗外的万家灯火，心里想，美国不是保持中立吗？怎么又支持蒋介石抗日了？日本不是刚刚在诺门罕喫了败仗，跟苏联签了停战协定吗？到底日本要向南还是向北啊……局势越来越复杂了。

    “人家起码有同情心，社会发动得起来。喫饭额辰光，想到人家喫不喫得上饭。不像阿拉孤岛，有的是朝朝鱼肉夜夜虾蟹，吃得脑满肠肥；有的是萝卜、青菜、或者是辣火酱、豆瓣酱拌拌伊，一碗黄米饭吞下去；还有额连饭也喫不上……”老秦最看不得贫富悬殊和为富不仁。